Lo 10 de deceme, anem a Barbasta

Amassada a Barbasta (Òut e Garona)  lo 10 de deceme 15 h
L'occitanisme s'organiza en Aquitània  e Miègjorn-Pirenèus

Qu'avetz recebut un envit tà participar a l'amassada deu 10 de deceme a Barbasta. qu'èra acompanhat d'un tèxte qui ei un « manifèste occitanista ». Se non l'avetz pas avut que'u trobaratz en pèça junta.
Mantuas personas qu'an responut e que seràn presentas ; que las arremerciam.
D'autas que'ns an hèit saber que non poderàn pas estar presentas mes que vòlen sostiéner la demarcha nosta.
Que podem dejà díser qu'aquera amassada, qui ei l'abotiment d'ua reflexion qui's hasó au parat de mantuas reunions e rencontres, qu'interèssa hòrt e que hè néisher esperanças.
Que demandam a’us qui saben que vieneràn de nos enviar un messatge. Que los qui non poderén pas viéner, mes qui s'associan a l'iniciativa, nos manden lo lor sostien, las lors questions e tanben las lors reflexions. Que las haram partatjar, s'ac vòlen, a tots los presents.
Mercé de'ns diser tanben se'ns balhatz lo dret de har circular lo vòste sostien a l'amassada deu 10 de deceme.
Contunhatz de har virar aqueste envit peu biais deus vòstes carnets d'adreças. Qu'ei ua amassada ubèrta a totas las personas qui pensatz que pòden estar interessadas. Obrim lo debat au mei gran nombre.
Que siam en reflexion sus l'aviéner de l'occitanisme, impacients de véder  mei de projèctes concrets a espelir, que siam indignats per la situacion economica, ecologica sociau, culturau gessida de la crisi, o indignats per las decisisons politicas responsablas d'aquera crisi, lo temps de l'accion collectiva qu'ei viengut.

Amistats a totas e a tots e au plaser de’vs véder lo 10 de deceme a Barbasta

Guilhèm Latrubesse                                                   David Grosclaude. 

Vous avez reçu une invitation pour le 10 décembre à Barbaste, accompagnée d'un texte intitulé « manifeste occitaniste ». Si vous ne l'avez pas eu vous le trouverez en pièce jointe. Vous avez été plusieurs à répondre que vous serez présents et nous vous en remercions. D'autres nous ont fait savoir leur total soutien à la démarche mais sont dans l'impossibilité d'être présents.
D'ores et déjà nous pouvons dire que cette réunion du 10 décembre — qui est l'aboutissement d'une réflexion qui s'est faite lors de plusieurs réunions et de plusieurs rencontres— suscite beaucoup d'intérêt et d'espoir.
Que ceux qui savent qu'ils viendront nous envoient un message. Que ceux qui ne pourraient pas venir mais souhaitent soutenir la démarche nous envoient leur soutien. Nous en ferons part s'ils le souhaitent à l'ensemble des présents.
Dites nous aussi si vous nous autorisez à faire circuler votre soutien à cette réunion du 10 décembre.
Faites connaître cette initiative par le biais de vos carnets d'adresses. C'est une réunion ouverte à toutes les personnes dont vous pensez qu'elles peuvent être intéressées. Ouvrons le débat au maximum.
Que nous soyons  en réflexion sur l'avenir de l'occitanisme, impatients de voir plus de projets concrets se mettre en place, indignés par la situation économique, écologique, sociale, culturelle née de la crise, ou indignés par les décisions politiques responsables de cette crise, le temps de l'action collective est venu.

Amistats a totas e a tots e au plaser de’vs véder lo 10 de deceme a Barbasta

Guilhèm Latrubesse                                                    David Grosclaude.