Montsegur : 16 de març 2008 - Partit Occitan - Pais Tolosan - Actualitats - Blog

Montsegur : 16 de març 2008

Publié le 14 Mars 2008 par Partit Occitan Pais Tolosan in Comunicats - Communiqués

Montsegur 2008 (Comitat d'Arièja)

Libres, exposicions, conferéncias ; en defòra de qualques referéncias solidas e necessàrias, los mercadièrs del temple son a l'òbra. Particulars o foncionaris, la recuperacion es en camin. Cal que Montsegur siá limitat a un eveniment puntual, un accesòri de l'istòria, ont la sola arqueologia academica poiriá dire quicòm.
Mas Montsegur es pas a degun e subretot pas a l'istòria oficiala.
Montsegur demòra un simbòl, lo dels esperits de conquista e de constrenta contra l'esperit de libertat e de resisténcia.
Al Tibet, al Curdistan, en Chechenia, dins totes los conflictes mondials abrandats per las rasons d'estat, o aicí, dins las reivindicacions pels dreits de l'òme, per una democracia renovada, e dins la crida pel respècte de las culturas divèrsas del mond coma de l'exagòn, Montsegur es present.
Al Prat dels Cremats, lo dimenge 16 de març a 11 h, lo Partit Occitan convida totes los òmes de bona volontat e de patz a venir per testimoniar de l'actualitat de Montsegur.

Entre-senhas : 05 61 67 33 40