Lei de l’occitan en Catalonha : lo recors del govèrn espanhòl deu èstre retirat

Lei de l’occitan en Catalonha : lo recors del govèrn espanhòl deu èstre retirat

Lo tribunal constitucional a acceptat la receptabilitat del recors d’inconstitucionalitat depausat pel govèrn central espanhòl. Son quatre articles de la lei de l’occitan que son estats atacats. Parlan de l’usatge preferencial de l’occitan-aranés e de l’obligacion de l’administracion d’Estat d’utilisar tanben l’occitan en Aran. Lo govèrn a demandat l’anullacion d’aquestes articles que foguèron votats a una granda majoritat pel parlament de Catalonha en setembre de 2010. Lo tribunal a decidit de suspendre l’aplicacion d’aqueles articles de faiçon temporària e preventiva.

En candamnar l’usatge preferencial de l’occitan en Aran lo conselh dels ministres va tanben contra la volontat de las institucions catalanas que se son prononciadas sus aquel tèxte. Qualques setmanas abans las eleccions generalas, lo PSOE e lo PP cèrcan a mobilizar l’electorat nacionalista castelhan e mòstran atal lor vision inegalitària de la diversitat lingüistica. Son pas los 7 000 locutors de l’occitan en Aran que menaçan la lenga castelhana. !

Lo partit Occitan ditz sa solidaritat amb los govèrns d’Aran e de Catalonha e amb los ciutadans d’aqueles territòris que vòlon conservar la lenga pròpria de lor territòri e que vòlon n’assegurar l’usatge dins tots los domenis de la vida sociala. Son de drets que son contenguts dins la declaracion universala dels drets lingüistics.

Los Estats que se glorifican d’èstre de democracias deurián prendre aquò en compte.

Guilhèm LATRUBESSE, Secretari Federal deu Partit Occitan, Conselhèr Regional Mieidia-Pirenèus
David Grosclaude, Conselhièr Regional d’Aquitània
Gustau ALIROL, President du Partit Occitan, Conselhèr Regional d’Auvernha

Le recours d’inconstitutionnalité déposé par le gouvernement central espagnol a été déclaré recevable par le tribunal constitutionnel. Ce sont 4 articles de la loi de l’occitan, évoquant l’usage préférentiel de l’occitan aranais et l'obligation pour les services de l'État d'utiliser aussi l'occitan en Aran, qui ont été attaqués. Le gouvernement a demandé l'annulation de ces articles, pourtant approuvés à une forte majorité en septembre 2010 par les députés du parlement de Catalogne. A ce jour, le tribunal a décidé de les suspendre préventivement.

En censurant l’usage préférentiel de l’occitan en Val d’Aran, le conseil des ministres désavoue également les institutions catalanes qui se sont prononcées sur cette loi. A quelques semaines des élections générales, le PSOE et le PP entendent mobiliser l’électorat nationaliste castillan et rappeler leur vision inégalitaire de la diversité linguistique. Ce  ne sont pas les 7 000 locuteurs aranais qui risquent de menacer la langue espagnole !

Le Partit Occitan reste solidaire des gouvernements et des citoyens aranais et catalans qui souhaitent conserver la langue propre de leur territoire et en assurer l’usage dans toutes les fonctions sociales. Ces droits internationaux sont rappelés par la déclaration universelle des droits linguistiques.

Les états qui se targuent d’être des démocraties devraient en tenir compte.

Guilhem LATRUBESSE, Secrétaire Fédéral du Partit Occitan, Conseiller Régional Midi-Pyrénées
David Grosclaude, Conseiller Régional d’Aquitaine
Gustave Alirol, Président du Partit Occitan, Conseiller Régional Auvergne